6. desember

I dag skal eg gjere noko eg aldri har gjort før her på bloggen. Eg var nemlig på ein veldig fin og mektig konsert i kirka på laurdag, der det blei sagt at alle som har fått ei stemme kan også synge. At når du tør å synge veks trua på deg sjølv, og at det var gjort undersøkelsar der ein fann ut at dei som song hadde bedre psykisk helse. Så det ligg nok noke i det. Viss ein tenker over det, er det ofte lettare for oss å "drite oss ut" på andre måtar, enn det er å stå på ei scene å synge. Rart eigentleg.
No syng eg jo heile tida for meg sjølv, og no og då på ei scene, men eg har aldri lagt ut mine songar sjølv. Det har eg tenkt å utfordre meg sjølv til å gjere no. Så i går leika eg meg litt i Garageband, og spelte inn ein aldri så liten julesong, til ære for dokke som les adventsbloggen min.